Қазақ тілі мен әдебиетінің мұғалімдерінің тақырыптық апталығы "Мәңгілік ел - мәртебелі тіл "

2018-2019  оқу жылының 21- 25 қаңтар аралығына жоспарланған

Мәңгілік ел - мәртебелі тіл» атты қазақ  тілі мен әдебиет  мұғалімдерінің  пән  апталығы  өтті.

Мақсаты: өзге ұлт оқушыларын мемлекеттік тілге деген сүйіспеншіліктерін арттыру, қазақ тілі мен әдебиетінің мол мұрасымен таныстыру, елжанды   жас  ұрпақты  тәрбиелеу.

Апталық барысында әдістемелік бірлестік мұғалімдері ашық сабақтар, сабақтан тыс іс-шаралар өткізді. Апталық жоспары бойынша әрбір сынып оқушылары түрлі іс- шараларға қатысып, мемлекеттік тілді жоғары деңгейде меңгергендіктерін көрсетті. «Рухани жаңғыру» бағдарламасы аясында «Ұлы дала тұлғалары» атты көрме ұйымдастырылып, әр сынып қызықты тапсырмалармен газеттер шығарды.

Бастауыш сыныпта қазақ тілі пәні мұғалімі  Хамзина  Н.К. ««Тіл – татулықтың тірегі» атты сайыс сабағын 3 сынып оқушылары арасында өткізді. Ал  4 сынып оқушыларының арасында Ережепова С.М. пән бойынша олимпиада  ұйымдастырды. Оқушылар мемлекеттік тілді қандай дәрежеде меңгергендіктерін көрсетті, әр оқушы  берілген тапсырмаларды қызыға орындады. Алдабергенова А.М. 5 сыныптар арасында «Жүзден жүйрік, мыңнан тұлпар» сайыс сабақ өткізді.Мұғалім сабағында көптеген көрнекіліктерді,интерактивті тақта,үлестірмелі қағаз,суреттер пайдаланды. Оқушылар сайыс барысында берілген түрлі тапсырмаларға белсене араласты.  2«г»  сыныбында  Оспанова Г.С. «Менің көйлегім жаңа»  деп аталатын ашық сабақпен жалғастырды. Оқушылар тапсырмаларға тез, дұрыс жауап беруге тырысып, ұйымшылдыққа тәрбиеленді, белсенділіктері, қызығушылықтары артты. Жоспарлап келген жұмыс түрлері толығымен іске асты.   Құрмангалиева Ж. Ж.  7 «А» сыныбында  «Тіл және технология» атты ашық сабақ берді. Жаңартылған білім беру бағдарламасы бойынша сабақ жүйелі, ойластырып құрылған. Сабақ барысында мұғалім жұмыстың көптеген түрлерін қолданды.Бағалаудың түрлерін ұтымды қолдана білді.Мұғалім қойған мақсатына толығымен жетті. Мемлекеттік тілде оқытылатын сыныптарда  Елубаева Р.Е. «Рухани жаңғыру» бағдарламасы аясында Мұзафар Әлімбаевтың 95 жылдығына арналған «Бала деп соққан бауырмал жүрек» атты әдеби кеш өткізді.Бұл кеште оқушылар ақынның сөзіне жазылған әндерді тыңдап және де өздері ақын өлеңдерін жатқа оқыды.  Кеш барысында оқушылар қызығушылық танытып,ақын өмірінен біраз мағлұмат алды.

Апта соңында әдістемелік кеңесте  өткізілген сабақтарымызға баға берілді. Сабағымызға қатысқан басқа әдістемелік бірлестік мұғалімдері сабақтарды талдап, өз ойларымен ұсыныстарын айтты. Апталыққа белсенді қатысқан барлық оқушылардың есімдері аталып, дипломдар мен алғыс хаттармен  марапатталды.