Бірінші республикалық пікір-сайыс турнирінің жүлдегерлері

2019 жылдың 22-28 ақпан аралығында Алматы қаласының оқушылар сарайында ҚР Білім және ғылым министрлігінің қолдауымен "Ризашылық-мейірімділік бұлағы" жалпы ұлттық мәдени – білім беру жобасы аясында "Ұшқыр ой алаңы" атты бірінші республикалық пікір-сайыс турнирі өтті.

Пікірталастар демократиялық құндылықтарды тарату мен оқытудың ең маңызды және тиімді тәсілдерінің бірі болып саналады. Олардың негізінде мазмұндық дәлел, түрлі көзқарастарға қатысты төзімділік және өз ойларын нақты баяндау жатыр. Дебаттық қозғалыс Қазақстан студенттері мен оқушылары арасында кеңінен таралған. Бурабай ауданында пікір-сайыс клубы 2003 жылдан бастап жұмыс істейді және оған қалалық және ауылдық мектептерден қазақ, орыс және ағылшын тілдерінде пікір-сайысатын 42 команда кіреді. Біздің балалар бірнеше рет облыстық пікірталастардың жеңімпаздары мен жүлдегерлері болды. 22 ақпанда біздің команда, Алматыға, бірінші республикалық мектеп дебат турниріне барды.

Республикалық турнир оқушылардың демократиялық қоғамдағы азаматтық ұстанымдары мен өмір сүру дағдыларын қалыптастыруға, патриоттық сезімдерін тәрбиелеуге, жауапкершілік сезімін қалыптастыруға, туған өлкеміздің, елдің проблемаларын талқылауға және шешуге қатыстылығын қалыптастыруға бағытталған. Дебаттар барысында жас спикерлер қазақстандық патриотизм, мәдениет, экология және тағы басқа тақырыптарды талқылады.  Турнирге- Астана, Алматы және Шымкент қалалардан, облыстарының делегациялары қатысты. Барлығы 150-ден астам адам. Ойын-дебат өздері Оқушылар сарайында өтті,ал балалар өз жетекшілерімен бірге "Өрнек" балалар лагерінде тұрды. Ақмола облысының атынан- Бурабай ауданының, №6 орта мектебінің "Порыв" дебат клубының командасы қатысты: Альжанкызы Мөлдір, Чернобук Алина , Кабакова Валерия - жетекшісі Бардащук Кристина Нұрсахиевна.  Бірінші республикалық мектеп пікір-сайыс турниріне қатысудан бұрын өз жетекшісімен бірге балалардың ұзақ әрі мұқият дайындығы болды. Команда турнирдің 37 қарарымен дайындалды.

Зияткерлік тартыстың нәтижесінде біздің команда финалға өтіп, Алматы, Астана, Атырау және Қазақстанның басқа қалаларынан мықты қарсыластарын артта қалдырып, 3-орынға ие болды.    Біз республикалық дебаттардың жүлдегерлерін құттықтаймыз және оларға жаңа жеңістер тілейміз!

№6 ОМ дебаттық командасының жетекшісі - Бардащук К. Н