Қазақ тілі пәні апталығы жұмысының есебі

2017 жылдың 11 желтоқсанынан  бастап желтоқсанның  15 дейін   

«Бір тіл, бір халық, бір ел» атты тақырыпта қазақ тілі мен әдебиеті пән

апталығы өтті.   Апталықтың іс-шара

жоспары алдын – ала жоспарланып, бекітілді. Апталық барысында әдістемелік

бірлестік мұғалімдері ашық сабақтар, сабақтан тыс іс-шаралар өткізді. Апталық жоспары бойынша әрбір сынып

оқушылары түрлі іс- шараларға қатысып, мемлекеттік тілді жоғары деңгейде

меңгергендіктерін көрсетті.

      Бастауыш сыныпта қазақ тілі пәні мұғалімі  Хамзина 

Н.К. дайындаған «Астана-таза қала» атты ашық сабақта  2«Г» сынып оқушылары өз ойларын қазақ тілінде шебер жеткізіп қана қоймай, түрлі өлеңдер, мақал- мәтелдер айтып, көпшіліктің ойынан шықты.  

    Ал 3 «Г» сынып оқушыларының арасында Ережепова С.М. «Тәуелсіздік күні» деп аталатын

білімпаздар сайысын өткізді, оқушылар мемлекеттік тілді қандай дәрежеде

меңгергендіктерін көрсетті. Оқушылар қазақ тілі пәнінен барлық меңгерген

білімдерін көрсетіп, бақтарын сынады.

    Бекова Н. Н. 3 «В» сынып оқушыларымен «Тәуелсіздіктің көк байрағы» атты сабақтан тыс іс - шара

өткізді. Бірнеше кезеңнен өткізілген сайыста мұғалім оқушылардың жас

ерекшеліктерін ескере отырып, түрлі ойын түрлері арқылы оқушылардың сөздік қорын

дамыта білді.

      Алдабергенова А.М. 4 «Б» сыныбында «Құстар»  тақырыбында

ашық сабақ өткізді. Мұғалім сабағында көптеген көрнекіліктерді,интерактивті

тақта,үлестірмелі қағаз,суреттер пайдаланды. Оқушылар сабақ барысында берілген түрлі

тапсырмаларға белсене араласты.

     Апталық 5 «А»  сыныбында  «Тәуелсіздік таң нұры» аталатын сайыспен жалғасты. Оспанова

Г.С. басқаруымен өткен осы бір іс- шарада оқушылар өз өнерлерін ортаға салды. Оқушылар тапсырмаларға тез,

дұрыс жауап беруге тырысып, ұйымшылдыққа тәрбиеленді, белсенділіктері,

қызығушылықтары артты. Сабақ жүйелі,

ойластырып құрылған.    Құрмангалиева Ж. Ж.  6 «А» сыныбында  «Жалпылау және өздік есімдіктері» атты қазақ

тілінен ашық сабақ берді.Сабақ деңгейлік оқу жаңа технология негізінде

құрылған. Сабақ барысында мұғалім жұмыстың көптеген түрлерін қолданды. Сабақ

оқушылардың жақсы білімін, ауызекі тілдерінің жақсы деңгейін көрсетті. 5

      8 «А «сыныбында  Елубаева Р.Е. «Жалаң және жайылма сөздер» деген тақырыбына  ашық сабақ берді.

Мұғалімнің  жоспарлап келген жұмыс түрлері толығымен іске асты,  мақсатына жетті. Сабақ үстінде

оқушылардың тәртіптілігі, сабаққа деген қызығушылықтары көрінді.

        Апталыққа белсенді қатысқан барлық оқушылардың есімдері аталып, дипломдар мен алғыс

хаттармен  марапатталды.

        Қазақ тілі мен әдебиеті пән мұғалімдері түрлі

әдіс- тәсілдерді қолдана отырып, оқушылардың мемлекеттік тілді жетік меңгеріп

білуіне көңіл бөліп, пәнге деген қызығушылықтарын арттырып, ізденімпаздық

қабілеттерін оята білді.