«Күншуақ» мектеп алды сауықтыру алаңы

«Күншуақ» мектеп алды сауықтыру алаңы

Жаз айлары – мектеп оқушылары үшін ерекше ықыласпен күтілетін уақыт. Жыл бойы сабақ барысындағы тоқсан арасындағы берілетін күндер демалыс болып есептелгенімен, жаз кезіндедегідей демалыстың мол мүмкіндігін бере алмайды. Жазғы демалыс – мектеп оқушыларының жалпы физиологиялық, сана – сезімдік, дүниетанымдық тұрғыда даму, жетілу кезеңі.

Бастауыш және орта буын сыныптарының балалары үшін бұл уақыт тән – тұрпаттың табиғатпен ерекше үндестік тауып, дүниетаным аясы кеңитін, көзқарас қалыптасып, үйренуге ықыласы артатын жылдың тамаша мезгілі.

Жаз мезгіліндегі бұл уақыт балалардың негізгі сабақтан, үйреншікті тіршілік қарекетінен босап, өзін қызығушылығымен айналысуына мүмкіндік береді.

Жақсы демалыс - жақсы еңбек етудің кепілі, өйткені тың күш жинап, жігерленіп келген оқушының оқуға құмарлығы артып қызығушылықпен кірісетіні белгілі, ал осындай демалысты

ұйымдастыру, әрине, оңай емес.

Біздің №6 орта мектебінің «Күншуақ» мектеп алды сауықтыру алаңында 1-ші маусымда 26 бала жазғы демалыс уақыттарын көңілді әрі қызықты өткізуде. Оның көбісі әлеуметтік жағынан аз қамтылған, көп балалы, толық емес отбасыларынан, қамқорлыққа алынған оқушылар. Алаңдағы балалардың жас шамалары, қызығушылықтары бірдей емес, сондықтан алдымен балалар арасында сауалнама жүргізілді, осы сауалнамаға сүйене отырып жоспар жасалды.

«Ең тапқыр», «Орман кереметі», «Ең мықты жүргізуші», «Біздің лагерь» сайыстары,  «Қол өнер»,«Он саусағы майысқан», «Менің өмірімдегі ең қызықты күн» таза ауада әңгіме өткізілді.

Мектеп психологы Анжелика Анатольевна Синотова «Біз - көшбасшы» тренингісін өткізіп балалардың ойлау қабілеттеріне байланысты психологиялық зерттеулер жүргізді Мектеп жанындағы сауықтыру  лагерінде балаларды әлі талай қызықтар күтуде. Демалыстарың көңілді өтсін, балғындар!