Бурабай ауданында 2018 жылы өтетін алдағы пилоттық халық санағы туралы

       Бурабай ауданында 2018 жылы өтетін алдағы пилоттық халық санағы туралы

2016 жылғы 16 қыркүйектегі Тәуелсіз мемлекеттер достастығының Мемлекеттер басшылары кеңесінің шешімінің негізінде, ТМД қатысушы елдерінде (Армения Республикасы, Беларусь Республикасы, Қазақстан Республикасы, Қырғызстан Республикасы, Ресей Федерациясы, Тәжікістан Республикасы) 2020 жылға жақын мерзімінде кезекті халық санағын өткізу жоспарланған.

Қазақстан Республикасының барлық аумақтарында 2019 жылғы қараша айында Ұлттық халық санағы өткізіледі. Халық санағы – жеке аумақты немесе елдің әр-бір тұрғынын бір уақыт сәтінде сипаттайтын демографиялық, экономикалық және әлеуметтік деректерін жинау үдерісі.

Қазақстан Республикасында халық санағын өткізу алдында үлкен дайындық, ұйымдастырушылық, әдіснамалық жұмыстар күтілуде.

Санақ құжаттамасын сынау, өткізуді және қорытынды деректерді өңдеу технологиясын саралау, интернет желісі және портативтік-есептеу құрылғылар (планшеттер) арқылы мәліметтерді жинау тәсілдерін тестілеу мақсатында пилоттық халық санағы өткізіледі.

Қазақстан Республикасы Ақмола облысында пилоттық аймақ ретінде Бурабай ауданы белгіленген. Пилоттық халық санағы 2018 жылғы сәуірдің 1-нен 30-на дейін өткізілетін болады.

1 кезеңде - интервьюерлер (тіркеушілер) елді мекендердің тұрғын және тұрғын емес құрылыстарының тізімдерін құрады. Тізімдер санақ кезінде халықты есепке алудың толықтығын белгілеу үшін бақылаулық құжат болып саналады. Тіркеушілер жұмысының кезеңі – 2018 жылғы наурыз айы.

2 кезеңде - интервьюерлер (саңақшылар) халық және олардың тұрғын үй жағдайлары туралы мәліметтерді жинайды - 2018 жылғы сәуірдің 1-нен 30-на дейін.

Алдағы халық санағының негізгі айырмашылығы – Интернет көмегімен он-лайн режимінде және портативтік-есептеу құрылғылар (планшеттер) арқылы сұрастыру тәсілімен өздігімен толтыру әдісі.

Пилоттық халық санағы 2018 жылғы сәуірдің 1-нен 10-на дейін интернет байланысы арқылы өткізілетін болады.

Бурабай ауданының барлық тұрғындары интернет байланысы арқылы он-лайн режимінде интернет желісіне қосылған компьютер көмегімен саналады. Интернет-сұрастыруға кіру веб-сайт www.sanaq.qov.kz арқылы іске асырылады. Респондент ЖСН, куәлік нөмірін, ұялы телефон нөмірін енгізу жолымен тіркеледі.

Телефон нөмірі енгізілгеннен кейін респондент ұялы телефон нөміріне коды жазылған SMS-хабарлама алады және санақ бланктерін толтыра алады.

Интернет байланысы арқылы қандай болса да себептермен санақтан өтуге үлгермеген халық сәуірдің 11-нен 30-на дейін интервьюерлермен (саңақшылармен) үй шаруашылықтарын жаппай аралау кезінде портативтік-есептеу құрылғылар (планшеттер) арқылы сұрастырылатын болады.

Халық санағының қорытындылары мемлекетке өте маңызды. Олар елдің тұрғындарының тұрмыстық жағдайларын жақсарту үшін маңызды әлеуметтік-экономикалық бағдарламаларды қабылдауға пайдаланады.

Мемлекет халықтың алдағы пилоттық халық санағына түсінікпен қарауға және белсене қатысуға үміт арттырады. 

Ақмола облысының

Статистика департаменті